Chapter ٢✨

.

وديت سلطانه لمكدونالدز و حاكيت مشاعل تجي وانا احاكيها اتصل عليّ رقم غريب.

"الو؟"

-"مسا الخير"

"مسا النور مين؟"

-"عليا؟"

"ايه مين انت؟"

-"انا فهد"

"فهد مين؟"

-"الدكتور اللي اليوم الصبح.."

"ايييه عرفتك الدكتور البثر"

ضحك-"الدكتور البثر هو هذا"

"من وين جبت رقمي"

-"جبته كذا، الزبدة وينك فيه"

"ويني انا؟"

-"ايه"

"ليش"

-"ياكثر اسئلتك قوليلي وينك"

"ايه مو لازم اعرف وش تبي علشان اقولك ويني"

-"في دوا نسيت اعطيك اياه والحين هو معاي توني طالع من المستشفى، الحين ممكن تقولين وينك؟"

"مايخالف خليه بالمستشفى انا بكره امر اخذه"

-"لازم اليوم تاخذينه"

"لهالدرجة.. طيب انا في ماكدونالدز اللي في **"

-"اوكي يلا شوي وجايك"

وضع هالدكتور غريب.

توه راجع من الدوام من الصبح يكرف و يمر مريضة بمكدونالدز علشان يعطيها دوا نسى يكتبه؟

جا و معه كيسه.

ابتسمت 

-"الظاهر تحبين ماكدونالدز مره"

"لا موب انا، جايبه اختي"

-"انتي وياها بس؟"

"ايه"

-"ماشاءلله عليك.. طيب انا احتاج لمكان نظيف و هادي تقريباً"

"نظيف وهادي؟ ليه"

-"علشان الدوا.."

"لا لا لا لحظة لايكون اللي ببالي"

ابتسم: "وش اللي ببالك"

"وش الدوا؟ لاتقول ابره؟"

ضحك-"شدعوة تخافين وانتي هذا كبرك"

"موب خوف بس مابي"

-"لازم تاخذينها"

"لا مارح اموت اذا ما اخذتها"

-"بس لازم عليا تاخذينها والله حاولت ادور بديل لها حبوب او اي شي ثاني مافيه"

"لا لا بليز لا وخرها عني"

جت سلطانه.

تناظره مستغربه.

"هذي سلطانه اختي، سلطانه هذا دكتوري"

سلطانه: "ليش انتي مريضة؟"

"لا انا ما-"

-"الا مريضة ولازم تاخذ ابره بس هي ماتبي تخاف"

ضحكت سلطانه: "تخافين من الابره"

"لا ما اخاف!"

-"خذيها اجل اذا موب خايفة"

" لاتحاول تعاندني مانيب ماخذتها"

-"مافي غير هالاسلوب ينفع معك للاسف"

"ماتقدر تحبسني هنا"

-"بتهجين يعني؟"

قمت: "ما اهج، ارجع بيتي"

-"طيب سلطانه تسمحين انتي نعطيك الابره"

سلطانه: "لااخااف"

لاشعورياً قلت: "سلطانه وش اقولك انا دايم؟ قلتلك لاتخافين من شي مافيه شي بالدنيا يخوف"

ناظروني اثنينهم.....

"بس انا لا"

-"لازم تطبقين الكلام اللي تقولينه قدامها، ولا شلون بتصدقك؟"

"اكرهك"

ابتسم: "هاه عرفتي وين مكان نظيف وهادي؟"

"بتفرق يعني، اي مكان مايخالف"

-"سيارتي طيب؟"

"سيارتك؟"

-"ايه وناخذ سلطانه معنا"

"انا موب خايفة من شي علشان اخذ سلطانه معي! بعدين ليش يعني سيارتك هذاه هالمكان نظيف"

-"انتي ليش بس تبين تتهاوشين؟ ماقدر اعطيك الابره الا في مكان هادي، بعدين من قال انك خايفة ؟ انا اقول ناخذها علشان مانتركها هنا بلحالها"

قربت منه علشان سلطانه ماتسمعني.

"دكتور، ترا موب معناته اني جيتك بالحاله اللي كنت فيها اني ابرضى اسوي اي شي طيب؟"

-"عليا حطي عقلك براسك وتعالي معي صدقيني موب فاضي  لهالخرابيط"

"لا بس اعلمك لاتكون فاهم غلط"

-"شكرا على المعلومة، مشينا؟"

"ايه يلا، سلطااانه تعالي ماما معاي اخذ الابرة ونرجع"

ركبنا سيارته.

جلسنا انا وياه قدام و سلطانه ورا.

-"عطيني ايدك"

مديت له ايدي و لفيت راسي الجهه الثانية.

وسلطانه تضحك.

-"ناظريني"

"لا مابي"

-"هاو يعني مارح توجع لو درتي وجهك؟"

"انت وش عليك عطني اياها وخلصني"

-"مو قبل ماتناظرين"

ناظرته: "هاه نعم"

-"خلي عينك بعيني"

"نعم؟"

-"حطي عينك بعيني ولاتشيلينها الى ما اخلص"

"وهذا بيخفف الوجع مثلا؟"

-"ايه"

ضحكت: "الظاهر نسيت كم عمري؟"

-"مانسيت بس جربيها و شوفي"

"يارب عدي هاليوم على خير و فكني من شر هالدكتور"

ابتسم و ظل يناظرني و هو يدخل الابره.

سمعت كلامه و جلست اناظره.

عيونا بعيون بعض.

اوجعتني الابرة صدق.

دمعت عيوني شوي.

-"خلصنا"

وسلطانه تصفق وتضحك.

"توجع"

-"ايه حسيت فيها"

"حسيت بوشو"

-"بانها توجع"

"اقولك شي بس ماتزعل؟"

-"ايه"

"انت اغرب دكتور شفته في حياتي، احسك مو طبيعي فيك شي"

ابتسم.

"صدق ما امزح! عالعموم شكرا تعبتك معاي و اخذت من وقتك"

-"لا شدعوة هذا واجبي"

فتحت باب السيارة.

"يلا سلطانه"

سلطانه: "لا لا مابي انزل"

"هاو سلطانه بسرعة انزلي عيب"

سلطانه: "ما ابيييي"

-"خليها عادي"

"وشو خليها عادي لاتجاملها بزر تراها، سلطانه! بسرعة انزلي!"

سلطانه: "دكتور قولها اجلس عندك الله يخليك"

"سلطانه بعد الى ثلاث لو مانزلتي برجعك البيت ومعد ابوديك الملاهي"

صاحت.

-"هاو عليا وش هالاسلوب تراها طفلة"

لف على سلطانه-"خلاص مايخالف انا بخليك تقعدين، عليا معصبة علشان توها ماخذة الابرة شوي و ترضى، ودك تجلسين بالسيارة ولا اوديك مكان؟"

سلطانه: "ابي ملاهي"

-"ابشري"

"وشو ابشري وشووو بعدين انا قلت انزلي يعني تنزلين مو تصيحين"

-"عليا، علشان خاطري هالمره خلنا نوديها اللي تبيه"

"بزر اقولك ماتنعطى وجه"

-"انا ابي اعطيها وجه"

"و بتوديها الملاهي منجدك؟"

-"ايه؟ اذا هذا اللي هي تبيه اوديها ليش لا"

"ياسلام"

-"خلاص عاد يلا تدلين ملاهي قريبة هنا؟"

"انا وش خلاني اطلعها هذي"

مشينا.

عطاني الAUX علشان اشغل اغاني من جوالي.

شغلته و حنا بالطريق بعد شوي اتصلت مشاعل.

رديت.

"هلا ميشو"

مشاعل: "ياجعلك الزق اللي يملى وجهك وينك"

"ااا انا بالسيارة انتي وين"

مشاعل: "بالسيارة وين رايحة"

"انتي وينك"

مشاعل: "ماكدونالدز مو هذا اللي قلتي لي!"

"ايه يلا خمس دقايق و جايتك ماعليه"

مشاعل: "جمبك احد؟ ليه تحكين كذا؟"

"اا، ايه.."

مشاعل *تضحك*: "وانا اقووول.. من جمبك؟ امك؟"

"لا، اذا جيت علمتك"

مشاعل: "طيب يلا باي"

سكرت والدكتور يضحك.

ابتسمت.

اوكي يفشل.

مشاعل للابد تفشلني

"سوسو بلييز بليز تكفين نروح لمشاعل الله يخليك؟"

سلطانه: "وين مشاعل"

"بمكدونالدز"

سلطانه: "طيب"

"ماعليه دكتور والله انا اسفه مره اخذنا راحتنا ادري، بس يصير نرجع؟"

-"هاو شدعوة خذو راحتكم بزيادة بعد، اكيد نرجع"

وصلنا، وقفنا قدام مكدونالدز، 

"دكتور انا صدق صدق صدق اسفة والله مدري شلون اوصلك اعتذاري صدق ابثرتك اليوم"

-"شدعوة يابنت الحلال وبعدين تصدقيني لو قلتلك اني استانست مره بهاليوم؟ يعني اتمنى باقي ايامي تصير مثل هاليوم"

ضحكت: "اما عاد تخيل نجيك نبثرة انا واختي كل يوم"

ابتسم.

"يلا انا بنزل، مع السلامة و شكرا مرة ثانية"

-"مع السلامة لاتنسين موعدك الاسبوع الجاي"

نزلت.

شفت مشاعل.

مشاعل: "وين رحتي"

"سالفة طويلة مره بعدين اقولك اياها"

مشاعل: "ايه سكتيني بهالكلمه نفس كل مره"

سلطانه: "الدكتور اعطى عليا ابره في السيارة"

عطتني مشاعل ذيك النظرة: "عليا! قدام البنت بعد!"

"لا لا والله موب الي فهمتيه!! دكتور صدقي"

مشاعل: "عطاك ابرة وشو؟"

"ابرة مدري دوا"

مشاعل: "والدكتور بيعطيك اياها بالسيارة ليه"

"عشان نساها"

و قلتلها كل السالفة.

مشاعل: "هو بنفسه جاي يعطيني دوا نسى يكتبه؟ واو، وش هالدكتور المخفة؟"

"هو وضعه غريب مره بس مسكين"

مشاعل: "لايكون.."

"لا لا كبر ابوي تراه واكيد متزوج"

مشاعل: "امم.."

"ياشينك وع، انا بروح البيت تكفين اجلسي مع سلطانه ورجعيها معك بليز؟"

مشاعل: "لا والله؟ صرت اشتغل عندك اخر عمري؟"

"بليز ميشو والله موب نايمه زين اليوم"

مشاعل: "طيب بس نص ساعة"

"اذا زهقتي هاوشيها وتمشي معك"

ضحكت.

رجعت بيتنا.

بالطريق دق جوالي.

"دانا الفلاني"

رديت.

-هلا دانا

-هلا حبيبتي وش اخبارك 

-بخير انتي وشلونك

-الحمدلله، وينك يابنت الحلال خفنا عليك بشريني وش صار

-الحمدلله بس عطاني ابره و الحين احسني احسن

-زين يلا الحمدلله على سلامتك، 

-الله يسلمك

-اقول عليا، تذكرين خالد ال**

-ايه شفيه؟

-لا بس سألني عنك هذاك اليوم

-ليش وش يبي

ضحكت- مدري عنه الرومانسي 

-دانا، انتي تدرين انا وش رايي بهالموضوع صح؟

-ايه بس وش اسوي له والله ازعجني

-مو مشكلتي قوليله البنت مو كذا! يعني ترك كل اللي يترقصون قدامه و جاني انا؟

-الزبدة ترا طلب رقمك و عطيته

-تستهبلين؟ 

-والله وش اسوي 

-دانا قلتلك لاتعطين احد رقمي وبالذات خالد! 

-وش اسوي والله ضغط عليّ، لاتردين عليه اذا تبين

-متى عطيتيه؟

-تو اليوم، درا وش صار فيك و قالي عطيني رقمها

-بعد علمتيه!

-هاو عليا كل الموجودين شافوك!

-الله لا يفضحنا

-عالعموم متى نشوفكم ان شاءلله؟

-لا انا و ميشو قررنا نبطل

ضحكت- تبطلون؟

-ايه وش يضحك

ضحكت- ابد سلامتك ياعمري، يلا الله يقويكم و يثبتكم مع السلامه

-مع السلامه

زباله هالبنت بشكل. 

وصلت البيت.

بدلت و رحت لسريري.

اول ماحطيت راسي مر في بالي كل شي صار اليوم.

الدكتور صح كان يقهر، بس كان حنون.

يعني من النوع اللي يهاوشك علشان مصلحتك..

بس ليش يبي مصلحتي وهو مايعرفني؟

ليش يعاملني بهالطريقة وهو مايعرفني؟ 

ليش مهتم فيني لهالدرجه؟

مو مهم اعرف ليه، المهم انه صدق حلو شعور شخص يهتم فيك.. شخص يسأل عنك.. يهمه انك بخير..

فتحت جوالي سجلت رقم الدكتور "دكتور فهد"

و فكرت اني ارسل له رسالة.

"صباح الخير دكتور، اكيد انك نايم الحين و بتشوف هالمسج اذا قمت، بس كنت بقولك صدق شكراً تعبتك معاي كثير، و.. 

عجزت اكمل لاني موب من النوع اللي اشكر صراحة.

مسحت المسج و تركت جوالي ونمت.

قمت الصبح لقيت مشاعل نايمه جمبي.

بسم الله وش جابها هذي

قمت تحممت و بدلت و لقيتها صاحيه

مشاعل: "زق وش هالازعاج ماتخلين الواحد ينام"

"اسفين عمتي مرة ثانية معد بتحمم"

مشاعل: "امس امي حاكتني قالت نامي عند ابوك"

"الله يعينك، طيب ابوك ما يسأل؟"

مشاعل: "لا مايبيني ماصدق افتك مني" *ضحكت*

ابتسمت وانا ادري ان ورا ضحكتها الف دمعة..

ادري انها تصيح من داخل، 

ادري انها قضت الليل كله و هي تصيح..

الله يسامحهم.

"طيب يلا بدلي ثيابك وتعالي تحت نفطر عندي سالفة بقولك اياها"

نزلت و حطت الفطور و جلست انتظر مشاعل.

جاني مسج "صاحية؟"

رقم مو مسجل.

"مين؟"

اول ما رديت اتصل.

-الو

-صباح الخير

عرفت انه خالد مافيه غيره.

-مين؟

-خالد

-خالد مين

-كم خالد تعرفين يعني، خالد ال*

-لا والله ماعرف خالد يمون لدرجة انه يتصل عليّ

-اتصلت اتطمن عليك

-شكرا مايحتاج تتطمن

-عليا انا بوش غلطت معك؟ كل ذنبي اني احبك؟

-وانا مابيك تحبني! اكرهني ياخي! علمني وش اسوي علشان تكرهني مثل ما انا اكرهك!

-انتي ليش قاسية كذا؟

-وع وع وع خالد لاتلوع كبدي من الصبح تبي شي ثاني لاني بسكر

-سلامتك، 

جت مشاعل.

-ولاعاد تدق على هالرقم مره ثانية

-ان شاءالله

سكر الخط 

احسن هذا اللي ابيه.

مشاعل: "مين"

"وعووووه"

مشاعل: "مين؟"

"خالد"

مشاعل: "خالد خالد ماغيره؟"

"ايه"

مشاعل: "ووش يبي؟"

"بثر ماتعرفين وش يبي يعني؟"

مشاعل: "ووش قلتي له؟"

"قلتله لاعد تتصل فيني مره ثانية"

مشاعل: "حرام عليك، تراه مؤدب"

"والله؟"

مشاعل: "ايه و بعدين احمدي ربك شافك وانتي هناك و اعجبتيه ماقال فيك شي"

"مشاعل، مابي اعجب احد ولا ابي احد يعجبني، انتي تعرفين وش رايي بهالموضوع بالذات صح؟"

مشاعل: "طيب جتني فكرة"

"وشو"

مشاعل: "انا اخذه عنك"

"مشاعل لاتستهبلين"

مشاعل: "والله العظيم انتي ماتبينه انا ابيه"

"هذا وانا اقول مشاعل العاقلة!"

مشاعل: "عاقلة ماختلفنا، بس خلنا نجرب خالد نشوف"

ضحكت: "حرام عليك تجربين"

مشاعل: "بس اسمعي، احاكيه على اني انتي"

"لا لا حبيبتي انا قلتلته يوخر عني ولا ابيه ولا ابسمع عنه شي"

مشاعل: "موب ضارك شي بس ارسلي مسج قولي هذا رقمي الثاني وانا اتصرف، بليييز؟"

"لا! وع مشاعل مالقيتي الا هو!"

مشاعل: "علييييا"

"لا قلتلك ماعندي ذا الحركات، الزبدة اسمعيني عندي موضوع اهم من خالد احكيلك عنه"

مشاعل: "وشو"

"بس ماتضحكين؟"

مشاعل: "ايه؟"

"ميشو انا صدق مدري وش صاير فيني، تعرفين لما تشوفين انسان و تصيرين ودك تقضين عمرك كله معه؟ تحسينه يفهمك حتى بدون ما تتكلمين! ودك توقفين الزمن وانتي معه، تتحسفين على كل يوم راح من حياتك وانتي مو معه وودك تعوضين كل شي الحين بس ماتقدرين؟"

مشاعل: "هذا وشو بالضبط؟ عليا تحكين جد ولا حافظة الكلام؟"

"صدق موب وقت هبالك جد اتكلم!!"

مشاعل: "هبالي انا؟ انتي اللي انهبلتي وش صاير فيك وش هالحكي"

"وشو مو بشر يعني ماحس؟"

مشاعل: "الا بشر وتحسين بس اول مره تقولين كلام كذا، اول مره اشوفك كذا عليا"

"لاني اول مره احس كذا، لاني اول مره احس قلبي يدق بقوة احسه كان مغبر و نفخ احد عليه و رجع للحياة مرة ثانية"

مشاعل: "الله الله الله، و من سعيد الحظ اللي خلا هالقلب المتحجر يدق؟ عساه خالد؟"

"وع لاتجيبين طاري هالانسان تجيني حموضة!"

ضحكت: "وش اسوي لك والله احسك شاربة شي"

"مشاعل مرة وحدة بحياتك خذي كلامي على محمل الجد"

مشاعل: "طيب جالسة اسألك مين!"

"الدكتور فهد"

تقلب وجه مشاعل.

مشاعل: "بس موب قلتي كبر ابوك و متزوج؟"

"ايه وين المشكلة؟"

مشاعل: "تحبين واحد كبر ابوك و متزوج وشو وين المشكلة"

كنت جالسة اشرب قهوة و حسيتها طلعت من خشمي لما قالت مشاعل كذا.

"من قال احبه!!"

مشاعل:"لا والله؟ نستهبل حنا هنا؟ توك وش تقولين؟"

"اقول اني احب جلسته و احس اني ارتاح معه و ابي اقضي وقت اكثر معه"

مشاعل: "بين قوسين احبه! عليا مايبيلها ثنين يتناقشون فيها كل كلامك يقول كذا"

"لا موب حب"

مشاعل: "اجل وش تسمينه؟"

سكتّ..

ماعرف وش اسميه..

اسميه اي شي بالدنيا الا حب.

كل شي بالدنيا الا حب

اسميه اي اسم الا حبيبي

اسوي اي شي الا اني أحب احد واحد يبادلني هالحب.

مشاعل: "الا حب و نص! لاتكذبين على نفسك"

"ما اكذب مشاعل صدق ما احبه"

مشاعل: "طيب، عالعموم انا بقولك نصيحيتي، عليا الرجال متزوج، و كبر ابوك مت-ز-وج تعرفين وش يعني؟ يعني انتي كذا جالسة تخربين بيت ناس، والله ما اصدق صمتي صمتي وافطرتي على هالشايب؟"

"موب شايب"

مشاعل: "كبير! و متزوج!"

ناظرتها ولا تكلمت ولا كلمة.

مشاعل انسانه دايم تغير رايي، 

تأثر كثير على تفكيري، 

بس هالمره عجزت اقتنع باللي تقوله.. 

عجزت اخذ بنصيحتها..

...

أحبكم❤️❤️❤️❤️❤️❤️❤️❤️❤️❤️❤️❤️❤️❤️❤️❤️