-"ترا لو تحتاجين لاي شي انا موجود"
"لا لا بس استلفت مني كتاب و الحين تقولي خلصته خذيه"
ابتسم...
"طيب يلا انا استأذن لازم اروح"
-"تروحين وين"
"بروح ادرس عند مشاعل صديقتي، امي ان شاءلله اليوم بتطلع؟"
-"ايه ان شاءلله، ودي اخليها تقعد اكثر علشان اشوفك"
ابتسمت.
استحيت صدق.
"لا ان شاءلله بتشوفني موب لازم امي تكون هنا"
-"عمري المستحي، يلا قلبي انتبهي على نفسك"
"انت بعد"
-"عليا.. في شي ودي اقوله بس مستحي"
"وشو قول عادي"
-"لو مايصير عادي مانيب زعلان.. بس عادي احاكيك قبل تنامين؟ يعني اذا جيتيني تنامين علميني"
ابتسمت: "ليش"
-"براحتك اذا ماتبين"
"لاعادي بس ليه يعني بالذات قبل انام؟"
-"علشان اشياء كثير"
"ممكن اعرف وش هالاشياء؟ "
-"لا اذا حاكيتيني قبل تنامين اعلمك"
ضحكت: "ان شاءلله"
قاعدة احبه و استملحه اكثر و اكثر كل يوم!
ناسيه تماماً فرق السن اللي بينا.
*بالسيارة*
قلتله يمر بيت دانا و بعدها نمر مشاعل حاكيتها قلتلها نطلع.
مرينا دانا و اخذت الكرتون منها. ايه كرتونه شوي كبيرة.
و مرينا مشاعل.
مشاعل: "هااي"
"هاي"
مشاعل: "اشتقتلك ياربيه"
"انا اكثر، شفيك شاقة الضحكة؟"
مشاعل: "مستانسة"
"ليه"
مشاعل: "كذا قمت من النوم و استانست"
"الحمدلله والشكر"
مشاعل: "انتي وش اخبارك"
"الحمدلله كويسة"
مشاعل: "وش هالكرتونه؟ هدية لي صح؟"
"لا حقت امي مدري وش هي"
مشاعل: "ايه صح شخبار امك؟ متى بترجع البيت؟"
"اليوم ان شاءلله"
مشاعل: "حاكيني اذا رجعت علشان ازورها"
"ان شاءلله يالسنعه"
ضحكت.
و جلست تسولف عن كل شي.
ياكثر حكيها مشاعل....
"مشاعل"
مشاعل: "هاه"
"فيه سالفة احتاج مساعدتك فيها"
مشاعل: "عيوني لك"
"شفتي لما رحت للدكتور فهد و كذا؟"
مشاعل: "ايه؟"
"موب قلتلك بنام؟"
مشاعل: "مانمتي"
"مانمت.. و رحت لدانا"
مشاعل: "دانا؟ مالقيتي الا دانا؟ وش رحتي تسوين؟"
"مشاعل ماكان فيه احد غير دانا بيده انه ينسيني"
مشاعل: "ينسيك وشو خبله انتي!؟ ووش سويتي عندها!"
"بعدين احكيلك التفاصيل بس الحين بقولك المشكلة الاكبر"
مشاعل: "بعد فيه مشكلة اكبر!"
"قلتلها ابي هذا و قالت لي ماعندي الحين اجيبلك بعد كم يوم، و اليوم جابته و مريت اخذته.."
مشاعل: "وينه!"
ناظرت الكرتونه.
مشاعل: "بكرتونه امك! موب صاحية تحطين مخدرات مع اغراض امك!"
"لا ركزي هذي هي من دانا امي مالها شغل"
مشاعل: "اوماي قاد! يعني الحين حنا معنا كرتون مخدرات!"
مشاعل: "يعني الحين لو مسكتنا الشرطة يمكن يحكمون علينا اعدام!"
مشاعل: "ياربيه يعني الحين حالنا حال مروجين المخدرات"
"مشاعل الزق اسكتي! الحين ماجبتك علشان توتريني اكثر جبتك علشان تلقين لي حل!"
مشاعل: "حل شلون يعني يعني وش نسوي!"
"نتخلص منها"
مشاعل: "نتخلص منها صح نتخلص منها"
"قسم بالله العظيم لو ماتوقفين بسطرك"
مشاعل: "عليا وش اسوي معنا كرتون مخدرات بالسيارة شلون ماتبيني اتوتر"
"فكري شلون نتخلص منها"
مشاعل: "شلون نتخلص منها شلون.... صح عرفت! ندفنها بصحرا"
"واللهي؟ ووين الصحرا هذي"
مشاعل: "اي صحرا، فيه ورا بيتنا وحدة"
ضحكت: "مشاعل لاحد يضحك عليك موب اي ارض فاضية اسمها صحرا، بعدين شلون ورا بيتكم واذا احد شافنا؟"
مشاعل: "هنا طيب حولنا مافيه صحاري"
"فيه بس وشلون ننزل ومحد ينتبه علينا"
مشاعل: "اوكي اسمعي انا اقولك، حطيهم في شنطتك، و ننزل عادي نحفر و نحطهم، بالشنطة عادي بس لو نزلتي الكرتون بكبره بيشكون"
"ماشاءلله عليك اقنعتيني صراحة"
مشاعل: "تتطنزين؟"
"لا لا ماتطنز ولاشي، طيب يلا بقوله يوقف"
وقفنا و حطيتها بشنطتي ونزلنا انا و مشاعل.
طبعاً السواق ترا مايفهم علينا.
نزلنا و مشاعل تحفر وانا اشوف اذا احد انتبه علينا او لا.
"بسرعة مشاعل وش هالبراده"
مشاعل: "اسكتي وع فيه حشرات"
"يااي! عجلي علينا صكت راسي الشمس"
مشاعل: "على اساس انا اللي جالسة بالبراد الحين!"
"خذي خذي الشنطة انا احفر ما استحمل برادتك"
عطيتها و حفرت انا.
"يلا قطيهم هنا"
صارت تشيلهم شوي شوي و تحطهم بايدها.
"كلهم بسرعة!!"
مشاعل: "عليا يخوفوووون"
"يارببيييه ما منك فايدة مدري وش خلاني امرك"
حطيناهم و سكرنا الحفرة زين و رجعنا السيارة.
مشاعل: "احسني بموت من الروعة"
اخذت نفس: "الحمدلله افتكينا منها"
مشاعل: "ايه يلا جا دورك الحين"
"دور وشو"
مشاعل: "تعلميني وشلون اخذتيها و ليه ووش اخذتي منها غيره"
"ميشوووو"
مشاعل: "لاتحاولين بتعلميني كل شي"
"والله ادري ان غلطت بس وش اسوي كان ضايق صدري بزيادة"
مشاعل: "وش سويتي طيب"
"شربت."
مشاعل: "شربتي وشو؟"
سكت.
مشاعل: "ما اصدقك عليا! موب اتفقنا خلاص؟"
"ايه بس كان ضايق صدري ومافيه شي بيساعدني الا هو"
مشاعل: "والله؟ فكرتي تفرشين سجادتك و تصلين؟"
سكت.
مشاعل: "فكرتي بدانا انها الوحيدة اللي ممكن تساعدك، طيب فكرتي بربك اللي خلقك و خلق دانا؟"
سكت.
مشاعل: "انا محروق قلبي عليك و انتي بكل برود تقول مالقيت الا دانا.."
"مشاعل والله ماكنت بعقلي"
مشاعل: "كنتي بعقلك، لاتتعذرين"
"مشاعل خلاص انا متحسفة اصلا"
مشاعل: "زين انك متحسفة.. الله يغفرلك و يسامحك على اللي سويتيه"
سكتنا.
مشاعل ماتتوب من هالحركة.
تخلي ضميري يأنبني كل ما اغلط.
ماتهون علي الغلط لا.
تدخله بعيني تقولي انتي سويتي كذا و كذا و كذا.
شكرا ساعديتيني واجد.
رجعت مشاعل بيتها وانا رجعت بيتنا.
امي رجعت البيت.
اليوم مر طبيعي.
قبل انام حاكيت فهد...
"الو"
-"هلا والله وشلونك"
"الحمدلله زينه انت شلونك"
-"بخير الحمدلله"
"ااا.. ترا دقيت اقولك اني بنام.. و مابعد قلتلي ليش تبي تحاكيني قبل انام"
-"ايه صح.. دقيقتين وادق عليك"
"طيب انتظرك"
.
-"هلا ايه انا اسف كنت مع خواتي تحت"
"لاعادي خذ راحتك، اول مره اعرف ان عندك خوات"
-"عندي اختين اصغر مني"
"الله يخليهم لك و يخليك لهم"
-"ويخليك لي ولايحرمني منك"
سكت.
ضحك: "يلا خلني اقولك ليش قلتلك ابحاكيك..
اول شي لاني احب احب احب صوتك قبل تنامين
ثاني شي لاني ابي اكون اخر شي تسمعينه قبل تنامين
ثالث شي فيه اشياء ابي اوصيك عليها علشان ماتنسينها
رابع شي علشان اتطمن عليك وانام وانا مرتاح انك نايمه"
اف ياربي افففففف مو انسان صدقي هذا........
"وانا بعد احب صوتك قبل تنام"
-"اخ يا عليا متى تكبرين بس"
"انا معك الحين"
-"بس ايدك مو بايدي"
"بس اسمعك و تسمعني، ادري انك بخير و تدري اني بخير و اقدر اشوفك و تشوفني، احسن من ناس كثير غيرنا"
-"صادقة.. الحمدلله، الله يجعلك من نصيبي ياعليا"
"امين، وش الاشياء اللي بتوصيني عليها؟"
-"لهالدرجة انا بثر و تبين تخلصين مني؟" *يضحك*
"لا موب كذا العكس ماودي اسكر بس والله العظيم تعبانه من الصبح مو نايمه"
-"طيب ياعمري نامي"
"بتوصيني على وشو"
-"ابوصيك على قلبي.. و ابوصيك على سعادتي.. وابوصيك على نفسك.. لان كلهم هذولي بالنسبة لي شي واحد.. "
-"وابيك توعديني تديرين بالك على نفسك علشاني، حطيك جوا عيونك، و حطي في بالي اني معك و بجمبك حتى لو ماكنت كذا"
-"و مايحتاج اوصيك اعرفك قوية، بس ابيك اقوى، ابي ما يأثر فيك شي، ابيك تسامحين الناس، ابيك قبل تحطين راسك على المخدة تسامحين و تغفرين لكل شخص ضايقك اليوم"
-"ابيك تضحكين واجد، ابيك تبتسمين ابيك ترقصين ابيك تسوين كل شي يوسع صدرك.. لان سعادك هي سعادتي"
-"وابيك معاي ولي انا بس، تقدرين توعديني تسوين كل هالوصايا؟"
"فهد.."
-"ياعيون فهد، يابعد قلب فهد سمي"
"فهد انت ليش جالس تسوي كذا؟ يعني صدق وش تبي مني؟"
-"لازم ابي منك شي؟"
"هو الطبيعي انك تبي شي..."
-"غلط. الطبيعي ان الواحد يحب بلا مقابل. الموب طبيعي هو اللي المجتمع جالس يسويه واللي في بالك الحين"
"هذاك قلته.. المجتمع كله كذا.. و حنا افراد من هالمجتمع"
-"بس موب لازم اكون نفسهم"
"ووش اللي يخليني اصدق انك غيرهم؟"
-"الايام"
"شلون"
-"ياكثر اسئلتك قلتلك الايام تخليك تصدقين، يلا بابا لاتنسين اذكارك و احلمي فيني تصبحين على خير"
ضحكت "شلون احلم فيك"
-"انا احلم فيك وانتي تحلمين فيني و نشوف بعض بالحلم، يصير مانضيع وقتنا بالنوم بس"
ضحكت: "ان شاءلله"
-"احبك"
"انا اكثر.. تصبح على خير"
..
نمت.
قمت اليوم الثاني لقيت منبه بتاريخ اليوم
"Fahad's 28 birthday!"
عيد ميلاد فهد ال٢٨!
كتبته لما قاله لي قبل شهر يوم طلعت انا وياه بعد العرس.
اليوم عيدميلاده وماسويت ولا شي!
كانت الساعة ٧
قمت بدلت بسرعة و طلعت.
وصلت سلطانه المدرسة
ومريت اخذت كيك.
حاكيت مشاعل.
مشاعل: "هلا"
"صباح الورد"
مشاعل: "صباح الزق"
"وجع احد كذا يرد"
مشاعل: "ايه انا"
"شفيك"
مشاعل: "فيني اشياء كثيره"
"جتك النفسية"
مشاعل: "و فيني الصيحة لان مقدر اقولهم لك"
"هاو ليه ماتقدرين؟ ميشو قلبي قولي انا اختك"
مشاعل: "ادري اختي بس ماقدر"
"اهلك يعني؟"
مشاعل: "اخخخ بس من اهلي والله الله بلاني بأهل يقصرون العمر"
"احمدي ربك عندك اهل، الزبدة تخيلي اليوم وشو"
مشاعل: "ثلاثا"
"لااا اليوم وشو يعني وش فيه"
مشاعل: "وش فيه"
"بيرثدي فهد"
مشاعل: "فهد مين"
"الدكتور فهد"
مشاعل: "طيب؟ وانتي وش عليك؟"
"رجعنا لبعض"
مشاعل: "ماشاءلله.. مبروك"
"مشاعل صدق شفيك"
مشاعل: "قلتلك مقدر احكي وهذا اللي مضايقني"
"ليه طيب ماتقدرين اول مره ماتقدرين! دايم تقولين لي اي شي"
مشاعل: "هالمره غير"
"ليه"
مشاعل: "خلاص عليا روحي عني"
"طيب رحت رحت بس ابيك تعطيني رقم اللي يوصلون الهدية للبيت هذولك اللي سويته لي اول"
مشاعل: "الحين ارسلك اياه واتساب"
"شكرا"
مشاعل: "مع السلامة"
.
مبين ضايق صدرها ضيقة موب عادية.
موب نفس كل مره
مشاعل دايم تزعل بس تفضفض
عكسي بالضبط مشاعل
انا ازعل و اكتم في نفسي وهي العكس
الحين صارت تزعل و تكتم...
ولاني ادري وش كثر يوجع انك تكتمين الزعل ولاتقدرين تحكين
ضايق صدري عليها...
.
رحت لفهد المستشفى.
و ماقلتله اني جاية.
يتبع...
